Pata Hai Aaj Kya Hua?

So main kabhi relationship pe nhi rha na kabhi aisa kuch hua

Toh maine recently ek new job join ki thi, soch ke ki main apne CAT ke resources fund kar paunga isliye maine ghar ke paas wali job choose ki Honestly, mujhe expect nahi tha ki office itna formal hoga par itna informal bhi nhi socha tha maine

Moving forward, I'm working as the owner's Personal Assistant mere kaam mein hiring recruitment, factory inspections aur different departments ke beech coordination sab kuch aata hai

Main waise bhi office mein kisi se zyada baat nahi karta, especially kyunki wahan kaafi log mere juniors hain upar se owner ne bhi bola hai ki apni authority maintain karni hai, isliye zyada friendly ya masti-mazaak mat karna

Ab wahan ek ladki hai, her name is Komal Woh telecaller hai aur kaafi extrovert hai, pehhle mujhe woh bilkul normal lagi, lekin dheere-dheere woh roz mujhse mazaak karne lagi, tease karti hai aur ab main bhi uske saath thoda joke kar leta hoon.

Woh kaafi compliments bhi deti hai, jaise "Sir, you're good-looking," "You're charming," aur meri hairstyle ki bhi tareef karti rehti hai Main bas ignore karke "bleh" type reaction de deta hoon.

Kal usne mujhse poocha ki meri girlfriend hai ya nahi. Maine bola, "No"

Aaj main lunch nahi kar raha tha kyunki hiring ka kaam chal raha tha aur main call par busy tha. Baaki sab log mere paas baith kar lunch kar rahe the. Tabhi woh aayi, mera haath pakda aur jab tak main call par tha, usne mere haath par apna naam likh diya.

Call khatam hone ke baad maine poocha, "Yeh kyun kiya? Yeh sab theek nahi hai"

Toh woh boli, "Mera aur aapka rishta thoda alag hai." Phir mazaak mein boli ki Raksha Bandhan par aapko rakhi baandhungi.

Maine bola, "Aisi behen nahi chahiye"

Uspar woh boli, "Kaise ho aap? Na aapki girlfriend hai, na mujhe behen bana rahe ho."

Phir woh hasi aur boli, "Jise mera sign chahiye usse milta nahi, aur jise nahi chahiye usse mil gaya"

Now I'm genuinely confused. Normal office banter aur teasing samajh aati hai, but kisi ka haath pakad ke uspar apna naam likhna office mein thoda unusual nahi hai? Main overthink kar raha hoon ya ye behaviour genuinely odd hai?